L11 - E Klook än e waag

Dåt schuchst dü aw jüheer sid

Apstönje, ütsläipe ­– åles gungt eefter e klook. Ploon en däi sü as’r de gefålt än mååg en stüneploon for e fritid: Släipe foon oocht bit seeks, spaale foon trii bit fiiw …

 

Snååk iinjsen ouer dåt bil!

sid 24 - 25

 

Sü köön frååge tu dåt bil ütsiinj. Wat köö huum deeraw swååre?

Wat schuchst dü aw da ainkelte latje bile?

  • Ik sii ...

Wan stoont Emma am mjarnem ap?

  • Emma stoont am e klook ... ap.

Wat mååget jü am e klook oocht am mjarnem?

  • Am e klook oocht ...

Wan schal jü lüüs tu schölj?

  • Jü schal am e klook ...

Wan as e unerrucht önjt schölj tu iinje?

  • Di unerrucht as ...

Wan fäit Emma unerne?

  • Emma fäit am e klook ...

Wat mååget Emma am eeftermadiem?

  • Am eeftermadiem ...

Wat mååget jü am e klook oocht am eenmen?

  • Am e klook oocht ...

Huken sport mååget Paul?

  • Paul spaalt ...

Aw huken däi foon e waag spaale Paul en Emma maenouder?

  • Da biise spaale ...

 

Snååk iinjsen maenouder!

Sü köön Paul än Emma maenouder snååke:

  

Emma:

 

Min tante heet anjörsne önjteeld än wälj ma me snååke.

Paul:

 

Än wat wälj’s?

Emma:

 

Ik liiw, jü heet har lungwiild. Jü wälj gåns nau waase, wat ik di hiile däi sü mååg än hü et önjt schölj låpt.

Paul:

 

Än wat hääst dü har ferteeld?

Emma:

 

Ik hääw har ferteeld, dåt ik aw en schöljdäi am mjarnem am e klook huulwe soowen apstönj, am e klook soowen doord fou än am e klook oocht önjt schölj sat.

Paul:

 

Deer sate we dan tuhuupe!

Emma:

 

Jåå, än am e klook iinj ban ik wider ine än fou unerne.

Paul:

 

Än wat måågest dü am eeftermadiem?

Emma:

 

Dü fråågest ållik as min tante!

Paul:

 

Nåån, ik spaal din tante!

Emma:

 

Åch sü, ik spaal åltens ma Tufeln än wilems spaale uk we biise maenouder.

Paul:

 

Jåå, ouers bloot am fraidieeftermadiem bit am e klook seeks än ai långer. Jam foue je ål sü eeder nåchtert.

Emma:

 

Jam je uk, Paul.

Paul:

 

Ik schal je uk ål am e klook oocht tu beed.

Emma:

 

Ik lad dan uk ål önjt beed än ban fåli trååt. (Emma mååget e uugene tu än deet sü as wan’s snårket.)

Paul:

 

(Lååket en lait.) Emma, määst dü deer ouerweese än mååg saandi en ütfluch ma me än min famiili?

Emma:

 

Oo jåå, Paul. Dåt wus fain! Ik schal bloot min ålerne frååge. Wat mååge we?

Paul:

 

Seed ik ai. Ouers dü koost iinjsen rädje!

 

Hiir iinjsen tu!

Paul än Emma snååke - laks 11

 

Dou iinjsen wat!

  • Ferteel, wat dü aw en saandi måågest!
  • Ferteel foon da keere, wat dü hål måågest! Ferteel foon sport!
  • Ferteel foon dan liifste däi!
  • Säk jü åål än ferteel, wat’s önj e hönj heet!

  

En bil, wat huum ütmååle koon

Snacken över de Wekendaag (149,2 KiB)

Arbeitsbagen - Lex 11: Bastel Di en Klock! (52,0 KiB)

Arbeitsbagen - Lex 11: Kennst Du de Klockentiet? (2,2 MiB)

Arbeitsbagen - Lex 11: Mien Dag (59,4 KiB)

Arbeitsbagen - Lex 11: Dat is mien Week (102,7 KiB)

  

Spale, sunge, dachte

[Hier mutt noch wat rinsett warrn!]

   

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.

Uurde for laks 11