L5 - Ääse än drainke

Dåt schuchst dü aw jüheer sid

Paul än Emma hääwe tuhuupe inkååft. Ja wan for jare famiilie spagäti än saloot mååge. Jarst hääwe’s di köögen apräigeld. Deer stönje faine kröle, wat Paul Emman schångd heet. Wat hääwe’s foole kååft: brüüdj, banååne, moolke ­– dåt pååset mååst goorai önj e tuut, sü foole as et. Dåt wus swåår!

 

Snååk iinjsen ouer dåt bil!

sid 12-13

 

Sü köön frååge tu dåt bil ütsiinj. Wat köö huum deeraw swååre?

Wat schuchst dü awt bil?

  • Ik sii ...

Weer san Paul än Emma?

  • Ja stönje önj e köögen.

Wat stoont bai e heerd?

  • Bai e heerd stönje kröle, ...

Wat stoont aw e heerd?

  • Aw e heerd stoont en krooge.

Wat schuchst dü önj e schååp?

  • Ik sii glääse, ...

Wat mååge Paul än Emma?

  • Paul än Emma leese dåt resäpt.

Wat hääwe’s inkååft?

  • Ja hääwe rötje, ... inkååft.

Wat schuchst dü önj e tuut?

  • Ik sii windruuwe, ...

Wat, miinjst dü, kooge / ääse ja?

  • Ja kooge spagäti ...

Wat mååget Tufel?

  • Tufel freet hünekååge.

  

Snååk iinjsen maenouder!

Sü köön Paul än Emma maenouder snååke:

  

Paul:

Emma, lätj me iinjsen ma awt säädel kiike!

Emma:

Klåår! Kiik iinjsen, Paul! Mam heet gåns grut for üs schraawen än uk en lait wat apmååld, dåt we dåt tohuupe leese koone.

Paul:

Wiist dü, wat we kooge?

Emma:

Jåå, et jeeft diling en brökeden saloot ma radiise, rötje än ågork. Än dan mååge we spagäti.

Paul:

Än jü wiitjekååg?

Emma:

Dåt ääse we åltens ma tomååte än en lait ööle as forspise.

Paul:

Oo, dåt as je as önj en italjeensch restorang!

Emma:

Jåå, iir hääwe mam än taatje åltens feerie önj itaalien mååged!

Paul:

We hääwe uk nuch schalute, windruuwe än banååne än ååpelsiine inkååft.

Emma:

Ik liiw, iinj schalut brüke we fort schüü. Än foon e windruuwe, banååne än ååpelsiine mååge we en saloot as eefterspise.

Paul:

Emma, ma wat fånge we nü önj?

Emma:

Dü koost ål iinjsen da rötje schaale än ik tou da tomååte än da radiise. Mam kamt gliks än heelpt üs mat scheeren än ma dåt hiitj wååder for e spagäti.

Paul:

Fain, ik ban ål fåli hungai!

Emma:

Än ik ban uk ål gröilik hungai. Lätj üs önjfånge, Paul!

 

Hiir iinjsen tu!

Paul än Emma snååke - laks 5

 

Dou iinjsen wat!

  • Säk huum, wat hål saloot, säisebüsche, moolke, poonekååg, … eet!
  • Ferteel, huum ine bai de kooget! Heelpst dü ma?
  • Måål, wat dü am liifsten eetst!
  • Ferteel, huken ääse sün as!
  • Bååg duch iinjsen tuhuupe ma da oudere en pitsa! Heer as et resäpt (aw frasch):

Latj pitsa, gau mååged

En bil, wat huum ütmååle koon

 

Spale, sunge, dachte

[Hier mutt noch wat rinsett warrn!]

 

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.

Uurde for laks 5