L17 - Önj e tächnik- än eläktrolooden
Dåt schuchst dü aw jüheer sid
Paul än Emma stönje önj e tächnik- än eläktrolooden än Emmans mam mååget en bil foon da biise. Wat sü’n smartfoon åles koon! Tufel miinjt, dåt di aperoot oueremätje intresant as. Hi schucht ai iinjsen e kåt aw e fiirsiier.
sid 36 - 37
Snååk iinjsen ouer dåt bil!
Sü köön frååge tu dåt bil ütsiinj. Wat köö huum deeraw swååre?
| Wat schuchst dü awt bil? | Ik sii ... |
| Huum as önj e tächnik- än eläktrolooden? | Deer san Paul, ... |
| Wat koon huum deer åles kuupe? | Kompjuuterspale, ... |
| Wat mååget Emma? | Emma präiwt ... |
| Schuchst dü en ferkuuper? | Jåå, di ferkuuper stoont ... |
| Wat for programe schuchst dü aw e fiirsiiere? | Ik sii ... |
| Weer san müs tu siien? | Iinj müs sat bai ... |
| Hü maning läptops koost dü siinj? | Ik teel ... |
| Wat mååget Tufel? | Tufel ... |
Snååk iinjsen maenouder!
Sü köön Paul, Emma än da oudere önj e looden maenouder snååke:
Dialog Paul, Emma än da oudere - laks 17
Hiir iinjsen tu!
Dou iinjsen wat!
- Teel da hoodhiirere!
- Lees da tåle foon e prisschilde for!
- Teel da manschene önj e looden!
- Ferteel, wat for eläktroaperoote et ine bai de jeeft!
- Ourleed, wat åles önj e köögen stoont än en steeger heet!
Uurde for jüheer sid (Uurdelist)
Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.