L17 - Önj e tächnik- än eläktrolooden

 

Dåt schuchst dü aw jüheer sid

Paul än Emma stönje önj e tächnik- än eläktrolooden än Emmans mam mååget en bil foon da biise. Wat sü’n smartfoon åles koon! Tufel miinjt, dåt di aperoot oueremätje intresant as. Hi schucht ai iinjsen e kåt aw e fiirsiier.

 

Snååk iinjsen ouer dåt bil!

sid 36 - 37

 

Sü köön frååge tu dåt bil ütsiinj. Wat köö huum deeraw swååre?

Wat schuchst dü awt bil?

  • Ik sii ...

Huum as önj e tächnik- än eläktrolooden?

  • Deer san Paul, ...

Wat koon huum deer åles kuupe?

  • Kompjuuterspale, ...

Wat mååget Emma?

  • Emma präiwt ...

Schuchst dü en ferkuuper?

  • Jåå, di ferkuuper stoont ...

Wat for programe schuchst dü aw e fiirsiiere?

  • Ik sii ...

Weer san müs tu siien?

  • Iinj müs sat bai ...

Hü maning läptops koost dü siinj?

  • Ik teel ...

Wat mååget Tufel?

  • Tufel ...

 

Snååk iinjsen maenouder!

Sü köön Paul, Emma än da oudere önj e looden maenouder snååke:

 

Emma:

 

Sü en witsi spalkrååm – aw sü’n gruten schirm mååget dåt foole spoos!

Paul:

 

Påås aw! Ik liiw, din mam mååget en bil foon üs – än klik!

Emmans mam:

 

Dåt as fain wörden, nü kiik duch iinjsen! Wat spaalst dü dan deer, Emma?

Emma:

 

Heer koon huum ma tiire tu håks luupe! Paul, låpt süwat uk aw din smartfoon?

Paul:

 

Dåt wiitj ik ai, ouers wis me dåt iinjsen! Jåå, weeram uk ai?

Emmans mam:

 

Jül kamt gåns was! Ik liiw, taatje heet ål en naien fiirsiier fünen, Emma!

Hiire Soltan:

 

Kiik iinjsen! Üüsen naie fiirsiier, wat we önjt tubood hääwe, as gruter as åål da oudere for dideere pris. Deer san uk da tåle än takste foole gruter aw.

Emmans taatje:

 

Än 209€ as uk en gouen pris. Unti wat säist dü, Ose?

Emmans mam:

 

Dåt gungt! Än deer blaft sügoor nuch en lait giilj for en naien tooster ouer. Ouers kiik iinjsen eefter deelen, schal di oudere fiirsiier bloot 159€ kooste?

Hiire Soltan:

 

Jåå, ouers di as foon en gåns ouder firma, deer koon huum tut baispal nån USB-stik önjslite!

Emma:

 

Åch nåån, dåt gungt ai! Ik wal da bile foon Tufeln än man haingst uk aw e fiirsiier siinj! Kuupe we eentlik uk nuch dåt fain wafeljoorn?

Emmans taatje:

 

Nåån, mam än ik wan gliks nuch iinjsen bai e stoofsöögere kiike. Di üülje, wat ine stoont, gungt je ai mör.

Paul:

 

Än min åål brüket nuch en nai toumaschiin. Deer wal ik gliks iinjsen en påår bile for har mååge.

Hiire Soltan:

 

Önjkiike, önjfååse, kuupe! Bai üs fäist dü dåt åles. Mån tu, mån tu – än ai åltu lung täiwe!

 

Hiir iinjsen tu!

Paul än Emma snååke - laks 17

 

Dou iinjsen wat!

  • Teel da hoodhiirere!
  • Lees da tåle foon e prisschilde for!
  • Teel da manschene önj e looden!
  • Ferteel, wat for eläktroaperoote et ine bai de jeeft!
  • Ourleed, wat åles önj e köögen stoont än en steeger heet!  

En bil, wat huum ütmååle koon

 

Spale, sunge, dachte

[Hier mutt noch wat rinsett warrn!]

   

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.

Uurde for laks 17