L3 - Famiili

 

Dåt schuchst dü aw jüheer sid

Paul än Emma fröie jam aw jare jarste schöljdäi. Biise hääwe en schöljtuut önj e hönje än en schöljtååsch aw e reeg. Emmans ålerne, har tante, har latj söster än Tufel san ma deerbai. Uk Paulens ålerne, san grute brouder än sin üüljålerne san kiimen.

 

Snååk iinjsen ouer dåt bil!

sid 8 - 9

 

Sü köön frååge tu dåt bil ütsiinj. Wat köö huum deeraw swååre?

Wat schuchst dü awt bil?

  • Ik sii …

Hü schucht et schölj üt?

  • Dåt schölj as grut, ...

Huum as åles tut schölj makiimen?

  • Paulens brouder, Emmans ... san makiimen.

Wat, liiwst dü, as önj Paulens / Emmans schöljtuut?

  • Ik liiw, deer as wat tu slaken bane.

Hü siie da manschene awt bil üt?

  • Ja siie fründlik än luklik üt.

Huum schucht am lukliksten üt?

  • Emma schucht ...

Huum heet en brouder / en söster?

  • Paul / Emma heet en ...

Wat koon huum awt schöljplåts spaale?

  • Deer koon huum hainkeput, tik ... spaale.

Huk blaie schuchst dü awt bil?

  • Ik sii ...

Wat as gräin / halrüüdj / ...?

  • Emmans klaid as gräin, ...

 

Snååk iinjsen maenouder!

Sü köön Paul än Emma maenouder snååke:

 

Emma:

 

Moin, Paul! Fröist dü de uk ål awt schölj?

Paul:

 

Klåår, Emma! Önj e bjarnetün wus dåt ål wat driich!

Emma:

 

Dåt tainjt me uk. Ik wal nü äntlik fåli leese än schriwe koone!

Paul:

 

Jåå, dan tör ik uk ai mör man brouder frååge, weer hi me wat forleese koon.

Emma:

 

Än ik koon dan bål min latj söster wat forleese! Paul, din schöljtuut as fåli grut än oueremätje smuk! Wiist dü, wat deer bane as?

Paul:

 

Nåån! Mam, taatje än åte hääwe me har schångd! Emma, din schöljtuut pååset je tut blai foon din schöljtååsch!

Emma:

 

Jåå, ik mäi halrüüdj lise än min schöljtuut as gåns swåår.

Paul:

 

Dan as din was jüst sü ful as min!

Emma:

 

Paul, ik liiw, et schölj fångt gliks önj. Ik ban gåns apdraid!

 

Hiir iinjsen tu!

Paul än Emma snååke - laks 3

 

Dou iinjsen wat!

  • Ferteel foon dan jarste schöljdäi!
  • Snååk ma dan näiber ouer dan jarste schöljdäi unti ouer en ouderen fainen schöljdäi!
  • Wiist dü nuch, wat åles önj din schöljtuut wus?
  • En bil, wat huum ütmååle koon

Spale, sunge, dachte

[Hier mutt noch wat rinsett warrn!]

   

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.

Uurde for laks 3