L15 - Hü bast dü tupåås?

 

Dåt schuchst dü aw jüheer sid

Mååst di hiile däi san Paul än Emma fernäid. Wan hi en lait fötjbåle spaald heet än en toor schin heet, as Paul luklik. Wan Emma maning schöljårbe apfüngen heet, koon’s uk måål wårde. Än wilems as jü uk truuri. Dan brüket jü en gou fründin, wat har baistoont.  

 

Snååk iinjsen ouer dåt bil!

sid 32 - 33

 

Sü köön frååge tu dåt bil ütsiinj. Wat köö huum deeraw swååre?

Wat schuchst dü awt bil?

  • Ik sii ...

Hü siie da biise dränge üt?

  • Ja siie fernäid üt.

Huken sport mååge da biise?

  • Ja spaale ...

Weeram san da oudere dränge bedrüwet?

  • Ja hääwe dåt spal ...

Hü siie Emma än har fründin üt?

  • Ja siie truuri üt.

Wat mååget Emmans fründin?

  • Jü sat aw e grün än ...

Weer as Tufel?

  • Tufel stoont ...

Weer as e kåt?

  • E kåt sat ...

Wat as di föögel ouerkiimen?

  • Di föögel as ...

Wat schan da bjarne nü ma di föögel mååge?

  • Da bjarne schan ...

  

Snååk iinjsen maenouder!

Sü köön Paul, Emma än da oudere maenouder snååke:

  

Paul:

 

Jipii-jipii-jee, we hääwe wunen, we hääwe di båle fiiw tunge önjt toor schin!

Melf:

 

Da dränge üt e stää köön ai iinj üs wane! Kiik iinjsen, ja san nuch gåns bedrüwet.

Paul:

 

Ouers bait näist spal schucht dåt flicht wider gåns ouers üt. Deer sate Emma än Bente! As deer wat tu malöör kiimen?

Emma:

 

Åch, Bente! Dåt as sü truuri... Arken mjarn heet di latje föögel bai min waning sin än en lait for me süngen.

Bente:

 

Än nü as hi iinjfåch foon e hamel feelen – weeram bloot!? Tufel än Minke san uk ål gåns bedrüwet. Di föögel as störwen.

Emma:

 

Kam, we wan deer uner e busche en latj greeft for ham mååge. Deer koone we dan en lait am di föögel tånke. Paul än Melf, koone jam en schoul mabränge?

Paul:

 

As dan latje föögel, e rüüdjburst, störwen? Dåt fertrüt me! Kam, Melf! Da schoule stönje önj e garoosch.

Bente:

 

Kiik iinjsen, deer kjart man taatje aw sin fiilj. Hi kjart åltens sü gau än schucht me uler! Ouers nü wan we en greeft for di latje föögel mååge.

Emma:

 

Jåå, dåt as gödj. Tufel, Minke än åål da oudere tiire, jam kame ma!

Bente:

 

Oo nåån, da biise föögle aw e tååge siie uk wat truuri üt!

Paul än Melf:

 

Deer san we wider ­– än eeftert mönje we foon üs fötjbålspal ferteele, ai?

Emma än Bente:

 

Jåå, natörlik!

 

Hiir iinjsen tu!

Paul än Emma snååke - laks 15

 

Dou iinjsen wat!

  • Ferteel, ouer wat dü de fröist!
  • Ferteel, wan dü truuri bast!
  • Måål en bil foon en krunk tiir!
  • Gung ma din klas aw e hord!

    

En bil, wat huum ütmååle koon

Arbeitsbogen - Lex 15: Diene Geföhle (Deern) (48,5 KiB)

Arbeitsbogen - Lex 15: Diene Geföhle (Jung) (44,2 KiB)

   

Spale, sunge, dachte

[Hier mutt noch wat rinsett warrn!]

   

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.

Uurde for laks 15