L16 - We fiire Iirdäi
Dåt schuchst dü aw jüheer sid
Emma köö arken däi iirdäi fiire. Jarling heet’s har üttoocht, dåt åle bjarne, wat’s inlååsid heet, as indiooner kaame schan. Ja drainke nü limonood än ääse lakere kååge. Dåt beest san ouers da goowe. Emma as ål gåns apdraid. Wat deer wälj åles bane as?
sid 34 - 35
Snååk iinjsen ouer dåt bil!
Sü köön frååge tu dåt bil ütsiinj. Wat köö huum deeraw swååre?
| Wat schuchst dü awt bil? | Ik sii ... |
| Hü maning striinjåchte schuchst dü aw e kååg? | Ik teel ... |
| Hü schucht Tufel üt? | Tufel schucht üt as ... |
| Wat spaale da bjarne? | Da bjarne spaale ... |
| Huken iirstid as awt bil tu siien? | Dåt as ... |
| Wat mååget Emma? | Emma påket ... |
| Wat mååget Emmans mam? | Jü braingt ... |
| Wat hääwe da bjarne önj? | Da bjarne hääwe ... |
| Ferteel, wat åles aw e scheew stoont? | Deer stönje en kååg, ... |
| Huk blaie hääwe da fäädere? | Da fäädere san gööl, ... |
Snååk iinjsen maenouder!
Sü köön Paul, Emma än da oudere maenouder snååke:
Dialog Paul, Emma än da oudere - laks 16
Hiir iinjsen tu!
Dou iinjsen wat!
- Ferteel din klas, wan dan iirdäi as! (Önj e uurs, önj e samer, önj e harfst, önj e wunter?)
- Ferteel, hü dü dan iirdäi am liifsten fiire mååst!
- Måål en iirdäiskååg!
- Ourleed, wat dü de tu dan iirdäi wansche koost!
- Schriw aw en säädel, wat dü de tu dan iirdäi wanschst!
Spale, sunge, dachte
Iirdäisung (unbekannter Verfasser)
Hartliken lukwansch tu dan iirdäi (unbekannter Verfasser)
Uurde for jüheer sid (Uurdelist)
Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.