L19 - Mååg sport

 

Dåt schuchst dü aw jüheer sid

Aw dåtheer bil koost dü siinj, dåt sport gåns ünlik weese koon: di koon huum bütefor unti banedöörs, maenouder unti åliine mååge – wilems gungt et gau, ouers oofting wåårt et lung. Än huken sport deer breecht, dåt schuchst dü uk gliks.

 

Snååk iinjsen ouer dåt bil!

sid 40 - 41

 

Sü köön frååge tu dåt bil ütsiinj. Wat köö huum deeraw swååre?

Wat schuchst dü aw da latje bile aw e leeft sid?

  • Aw e leeft sid sii ik ...

Wat schuchst dü aw da latje bile aw e rucht sid?

  • Aw e rucht sid sii ik ...

Wat mååget e kåt?

  • Jü kåt klamert ...

Wat spaale Paul än Emma?

  • Da biise spaale ...

Wat mååge da müs?

  • Iinj müs klamert ...

Hü maning müs koost dü awt bil fine?

  • Ik teel ...

Huken sport mååget huum ma en båle?

  • Hoonbål ...

Huken sport mååget huum bütefor?

  • Bütefor koon huum ...

Huken sport mååget huum banedöörs?

  • Banedöörs koon huum ...

Huken sport mååge jam önjt schölj?

  • Önjt schölj ...

 

Snååk iinjsen maenouder!

Sü köön Paul än Emma maenouder snååke:

 

Emma:

 

Diling ban ik bääder as dü, ik hääw dåt nämlik ööwd!

Paul:

 

Dåt liiw ik ai! Di beeste tänisspaaler ban ik – dåt wiist dü duch!

Emma:

 

Dåt wårde we je gliks siinj! Nü gungt et lüüs!

Paul:

 

Ik ban jüst ma min skateboard tu schölj kjard, ouers mam köö dåt ai heewe än as måål wörden.

Emma:

 

Weeram dåt dan? Ik måå je hål iinjsen ma man haingst tu schölj ride, ouers dåt wårt was ninte. Unti wat miinjst dü?

Paul:

 

Dü än dan haingst! Ik tånk jüst deeram, dåt mjarne man tänisweedstrid as – wansch me luk!

Emma:

 

Klåår! Foole tid hääw ik ouers ai, ouerdåt ik mjarne jarst tu turnen än gliks deereefter tu doonsen schal... Wat en akewaas! Ik liiw, suner jooga fou ik dan goor niinj rou mör – deer fång ik fraidi ma önj!

Paul:

 

Sü, nü lätj üs en lait spaale! Unti wan we liiwer en lait korwbål ööwe? Tånk am di weedstrid önjt schölj näist waag!

Emma:

 

Deer hääw ik ninte ma tu douen ­­– dü koost me uk jarst iinjsen wise, hü et bait juudo låpt!

Paul:

 

Mååg ik! Ouers as’t eentlik wäär, dåt Tufel wider spränge koon as dü?

 

Hiir iinjsen tu!

Paul än Emma snååke - laks 19

 

Dou iinjsen wat!

  • Ferteel, huken sport dü måågest!
  • Ferteel, huken sport dü ai sü hål mååge määst! (Weeram määst dü di ai mååge?)
  • Wis dan liifste sport önj pantomiime än lätj da oudere rädje!
  • Tånk de (önj en floose) en bålesport üt än wis, hü’t spal gungt!

En bil, wat huum ütmååle koon

 

Spale, sunge, dachte

[Hier mutt noch wat rinsett warrn!]

 

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.

Uurde for laks 19