L20 - Unerwäägens aw e stroote

 

Dåt schuchst dü aw jüheer sid

Wat as heer duch åles lüüs – woine än manschene aw fiile än tu fötjs unerwäägens. Sügoor önj e luft as foole tu siien. Kiik, deer kääre tou müs aw en skateboard! Än e kåt flucht ma en hiitjluftbalong än koon Paul än Emma foon boowene siinj.

 

Snååk iinjsen ouer dåt bil!

sid 42 - 43

 

Sü köön frååge tu dåt bil ütsiinj. Wat köö huum deeraw swååre?

Wat schuchst dü awt bil?

  • Ik sii ...

Huum as aw e stroote unerwäägens?

  • En foomen ma en rüüdjen switer, ...

Wat flucht önj e luft ambai?

  • En fliiger, ...

Huum sat önj e bus

  • En wüset, wat ...

Weer stönje Paul än Emma?

  • Ja stönje ...

Weer gungt et haane tut schölj?

  • Tut schölj gungt et ...

Weer as Tufel än weer as e kåt?

  • Tufel spraingt ...

Hü maning woine san aw e stroote?

  • Ik teel ...

Wat mååget jü foomen bai e åmpel?

  • Jü foomen ...

Huk ferkiirsschilde awt bil kånst dü?

  • Ik kån dåt schild ...

 

Snååk iinjsen maenouder!

Sü köön Paul än Emma maenouder snååke:

  

Emma:

 

Moin, Paul! Weer wäät dü haane?

Paul:

 

Moin, Emma än Tufel! Fain, dåt ik jam drååw. Ik hääw min åålen besoocht än nü schal ik wi tu hüs.

Emma:

 

Tufel än ik schan üt tu spånken än wan üs dan uk nuch en is hååle! Wäät dü uk iinj heewe?

Paul:

 

Hm, bai åålen jäif et ål sü foole kååg, ouers en latj is koon ik nuch ääse. Oo, kiik iinjsen – di heelikopter! Wat en lääwent!

Emma:

 

Tufel as en lait trung for ham. Hi mäi dåt lääwent ai.

Paul:

 

Dåt as uk sü grutem heer, ouerdåt heer åål da woine forbaikääre. Än e boonouergung as je uk slin, ouerdåt e such eefter Hamborj jüst forbaikjard as. Hääst dü ham uk hiird?

Emma:

 

Jåå, natörlik! Deer sat man taatje önj – hi kamt jüst foont årbe tu hüs.

Paul:

 

Dåt as fain! Wan we uk gliks ma e bus kääre? Heer kjart e iinjhunerttriiäntwunti forbai!

Emma:

 

Nåån, Tufel bjauset åltens sü ärj önj e bus! Lätj üs mån liiwer tu fötjs gunge.

Paul:

 

Koone müs eentlik skateboard kääre?

Emma:

 

Än deer kamt e kåt önj e hiitjluftbalong – nü långt me dåt! Kam, we wan üs en is hååle! Tufel as uk hungai, ouers hi wal hål en påår hünekååge freese.

 

Hiir iinjsen tu!

Paul än Emma snååke - laks 20

 

Dou iinjsen wat!

  • Ferteel, wat dü måågest, wan dü eeftert schölj tu hüs kamst!
  • Ferteel foon dan schöljwäi!
  • Måål en bil foon dan schöljwäi!
  • Wat schan da manschene önj e ferkiir aw e stroote beåchte?
  • Teel ap, wat åles aw e stroote ambaikjart!
  • Teel ap, wat åles önj e luft ambaiflucht!

En bil, wat huum ütmååle koon

  

Spale, sunge, dachte

[Hier mutt noch wat rinsett warrn!]

   

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.

Uurde for laks 20