L7 - We spaale banefor
Dåt schuchst dü aw jüheer sid
Paul heet en oueremätje fainen dörnsch – än diling as Emma tu besäk. Jarst hääwe’s Mansche, lätj de ai plååge spaald, ouers dan hääwe’s jam duch ärgerd än enouder en lait önj e hääre füngen. Nü san’s ma bagstiine önj e gung. Än et jeeft faine stuftiire bai Paulen: swin, ååwe, krookediil än eelefånt täiwe awt riich än awt soofa. Aw Paulens tjarling koon huum sügoor sate!
sid 16 - 17
Snååk iinjsen ouer dåt bil!
Sü köön frååge tu dåt bil ütsiinj. Wat köö huum deeraw swååre?
| Wat schuchst dü awt bil? | Ik sii ... |
| (Ma) wat spaale Paul än Emma? | Ja spaale (ma) ... |
| Wat for stuftiire booge önj Paulens bjarnedörnsch? | Deer booge en swin, ... |
| Weer as Tufel? Weer as e kåt? | Tufel lait ... |
| Weer koon Emma mååle / schriwe? | Emma koon ... |
| Koone Paul än Emma uk musiik hiire? | Jåå, ja hääwe ... |
| Huk tåle schuchst dü aw e tjarling? | Ik sii en iinj, ... |
| Wat for tiire stönje for e fötjbåle? | Deer stönje en kåt, ... |
| Wat stoont awt riich önj e jarn? | Awt riich stönje en kast än ... |
| Weer sate di stufboor än dåt stufkrookediil? | Da biise sate ... |
Snååk iinjsen maenouder!
Sü köön Paul än Emma maenouder snååke:
Hiir iinjsen tu!
Dou iinjsen wat!
- Ferteel, wat dü hål banefor spaalst!
- Ferteel foon din liifst spal!
- Ferteel, wat dü deerbai iinjsen belaawed hääst!
Spale, sunge, dachte
Sii, dåt liiw latj kåtejung (üt et dånsch; Elen Hanne Andresen, Elise Heitmann, Ipke Lorenzen, Marie Vriesema)
Hans san P.K.W. (unbekannter Verfasser)
Uurde for jüheer sid (Uurdelist)
Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.