L6 - Min schölj

 

Dåt schuchst dü aw jüheer sid

Paul än Emma sate tuhuupe önj e klas. Emma wiset e liirerin fruu Hansen har bil. Jü heet harn grute butel mååld. Paul as bai tu schriwen än dåt gungt ål fåli gödj: ”Ik – ban Paul”, tånkt’r. Sönke än Erk leese önj jare nai frasch bök, dåt hääwe’s üt et riich nümen. Gliks gungt et üt tut spalplåts büte fort schölj.

 

Snååk iinjsen ouer dåt bil!

sid 14 - 15

 

Sü köön frååge tu dåt bil ütsiinj. Wat köö huum deeraw swååre?

Huum schuchst dü awt bil?

  • Ik sii ...

Wat mååge Paul än Emma / da oudere bjarne? Wat mååget fruu Hansen?

  • Ja ... / Da oudere bjarne ... / Fruu Hansen ...

Wat as nuch awt bil tu siien?

  • Tu siien as nuch en kasperpåp, ...

Wat for schöljkrååm hääwe Paul än Emma?

  • Ja hääwe en fäädertååsch, ...

Wat schraft Paul?

  • Paul schraft da bökstääwinge „I“ än „K“ / dåt uurd „Ik“.

Wat as e klook?

  • E klook as tiin minuute ouer tiin.

Wat hiirt åles önj en schöljtååsch? (Kiik aw e grut toofel!)

  • Önj en schöljtååsch hiirt klaawens, en schäär, ...

Wat heet Emma önj har fäädertååsch?

  • Önj har fäädertååsch heet Emma ...

Wat lait / stoont awt riich / önjt riich?

  • Deer lade / stönje böke, ...

Huum koon da tåle aw e latj toofel leese?

  • Soowen, iinj, ...

 

Snååk iinjsen maenouder!

Sü köön fruu Hansen, Paul än Emma maenouder snååke:  

 

Fruu Hansen:

 

Emma, bast dü ål klåår ma schriwen?

Emma:

 

Jåå, ik måål nü nuch min bil tu iinje, wat ik anjörsne önjfångd hääw.

Fruu Hansen:

 

Dåt koost dü mååge. Än hü schucht et bai de üt, Paul?

Paul:

 

Ik ban uk mååst klåår. Me breege bloot nuch trii uurde.

Fruu Hansen:

 

Fain! Önj e weel gunge we eefter büten.

Emma:

 

Koone we awäädrie önj dåt bök kiike, wat ik foon ine mabroocht hääw?

Fruu Hansen:

 

Eefter e weel hääwe jam unerrucht önj musiik, ouers dü koost din bök hål heer lätje än we koone üs dåt mjarne eeder önjkiike, Emma.

Emma:

 

Nä gödj! Dan stal ik et haane tu da oudere böke. Paul, koon ik din rüüdj fårweblijånt ütliine? Dåt brük ik for min bil.

Paul:

 

Heer, Emma! Di önjspaser koost dü de uk gliks naame.

 

 

(Eefter en påår minuute.)

Emma:

 

(Kiikt aw Paulens säädel.) Paul, dåt hääst dü oueremätje fain schraawen.

Paul:

 

Miinjst dü dåt?

Emma:

 

Jåå! Kamst dü ma eefter büten?

Paul:

 

Täiw gau iinjsen, ik nam bloot nuch min büschedous ma.

 

Hiir iinjsen tu!

Paul än Emma snååke - Lex 6

 

Dou iinjsen wat!

  • Ferteel, huken schöljfeek de gefålt!
  • Wis iinjsen din fäädertååsch!
  • Måål tra keere ap, wat dü önj din schöljtååsch hääst!

 

En bil, wat huum ütmååle koon

  

Spale, sunge, dachte

[Hier mutt noch wat rinsett warrn!]

 

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.  

Uurde for laks 6