L4 - Ine

 

Dåt schuchst dü aw jüheer sid

Emma as bai Paulen tu besäk. Hi wiset har stult san bjarnedörnsch, di släipdörnsch foon sin ålerne, di köögen, di dörnsch, di bååsedörnsch än dåt rüm, weer hi än san brouder musiik mååge koone. Sin ålerne san önj e köögen – bål jeeft et wat tu ääsen! E kåt lait awt beed.

 

Snååk iinjsen ouer dåt bil!

sid 10 - 11

 

Sü köön frååge tu dåt bil ütsiinj. Wat köö huum deeraw swååre?

Wat schuchst dü awt bil?

  • Ik sii Paulens hüüse.

Huk rööme schuchst dü?

  • Ik sii en köögen, en dörnsch, ...

Weer as Paulens bjarnedörnsch?

  • Paulens bjarnedörnsch as boowen aw e leeft sid.

Wat schuchst dü önj Paulens bjarnedörnsch?

  • Ik sii en fötjbåle, ...

Weer san Paulens ålerne?

  • Paulens ålerne san önj ...

Jeeft et en duusch?

  • Jåå, jü as ...

Weer stoont e fiirsiier?

  • Di stoont önj ...

Weer mååge Paul än san brouder musiik?

  • Musiik mååge Paul än san brouder önj ...

Weer as e kåt?

  • E kåt as ...

Huken rüm määst dü am liifsten?

  • Am liifsten mäi ik ...

 

Snååk iinjsen maenouder!

Sü köön Paul än Emma maenouder snååke:

 

Paul:

 

Kiik iinjsen, Emma! Dåt as üüsen bååsedörnsch.

Emma:

 

Oo, di as fåli gräin! Än jü gumiånert as was din, ai?

Paul:

 

Jåå, ouers ik brük’s ouerhood ai mör. Deer ban ik je ål fiir tu üülj for.

Emma:

 

Hääwe jam bloot ån bååsedörnsch?

Paul:

 

Nåån, boowen as uk nuch en hüüschen. Üüsen dörnsch as deele aw e sid foon e bååsedörnsch. Deer sate we fort mååst am eenmen.

Emma:

 

Oo, jarnge fiirsiier as je grut. San din ålerne eentlik uk ine?

Paul:

 

Jåå, ik liiw, ja san önj e köögen. Man taatje än min mam kooge hål tuhuupe.

Emma:

 

Paul, koost dü me uk dan bjarnedörnsch wise?

Paul:

 

Klåår, dan schan we e treep ap. Man bjarnedörnsch as boowen. Ouers ferfäär de ai, et as en lait döörenouder bai me. Ik räigel ai hål ap.

Emma:

 

Ik uk ai! Än Tufel wrootet dan uk nuch önj min keere ambai.

Paul:

 

Emma, määst dü eentlik hål musiik?

Emma:

 

Jåå, weeram fråågest dü?

Paul:

 

Dan wal ik de jarst nuch en ouder rüm wise.

Emma:

 

Wat jeeft et deer tu siien?

Paul:

 

Lätj de iinjsen ouerrasche!

 

Hiir iinjsen tu!

Paul än Emma snååke - laks 4

 

Dou iinjsen wat!

  • Måål en bil foon dan bjarnedörnsch!
  • Prung din bil ma dan näiber!
  • Snååk ma dan näiber ouer dåt bil!
  • Ourleed, wat Paulens ålerne tu ääsen mååge!
  • En bil, wat huum ütmååle koon

 

Spale, sunge, dachte

[Hier mutt noch wat rinsett warrn!]

 

Uurde for jüheer sid (Uurdelist)

Heer jeeft et en list ma åle uurde foon da keere, wat awt bil tu schüns san. Oudere uurde, wat huum brüket, am ouert bil tu snååken, koon huum deer uk fine.

Uurde for laks 4